Anmwé ô anmwé ô
Mwen égaré larout
vin poté mwen soukou
zonbi la baré mwen
an té élé anmwé
an di anmwé lé répondè
an té élé anmwé
an di anmwé lé tanbouyé
sonné tanbou la ban mwen wayayay
zonbi la baré mwen
(réponn)
manman toujou di mwen
ladyablès ka dansé léwoz
an poté kiwrozité
mwen alé mwen bravé danjé
dèviné kay pasé jou la sa
ladiablès baré mwen
(réponn)
an té élé anmwé
an di anmwé wayayay
an té élé anmwé
an di anmwé woyoyoy
sonné tanbou la ban mwen wayayay
zonbi la dèyè mwen
(réponn)
adan son a tanbou la
ni lèspwi a kabrit la
adan kadans a li
ou ka twouvé lèspwi dé zot
sonné tanbou la ban mwen wayayay
pou mwen vwè la limyè
(réponn)
on vandrèdi ô swa
mwen té alè adan-on léwoz
lé-an rivé an léwoz la
anbians la té a gou an mwen
an jwen é lé zanmi
nou anbiansé vayaman
dan lé dézè maten
mwen désidé dè pati
apré on kilomèt
mwen rankontré on dèmwazèl
mwen abowdé li
mwen adréséy la konvèwsasyon
tou sa mwen di li
y aksèpté dèmand an mwen
nou ka maché-an lari la
a bra dèsou bra dèsou
lè nou fè sensan mèt
an santi kô an mwen chanjé
an jété on kou dèy
mwen té gadé ka ka pasé
an ka gadé fi la
é fi la ka gadé mwen
chivé an mwen drésé
an santi tin on pwoblèm
an gadé pyé dwat a li
an ka vwè sé-on pat a boukèt
an gadé pyé goch a li
mwen ka vwè sé-on pat a chouval
dèviné kay té yé mé zanmi
sété on ladyablès
(réponn)
an ka poté mannèv
sé pou li pé débaré mwen
an tiré soulyé an mwen
an mété yo dwèt pou goch
an tiré chimiz an mwen
an mété li a lanvè
tann mannèv an poté jou la sa
zonbi la baré mwen
(réponn)
asi kadans a tanbou la
nou ka chanté bèl mélodi
asi son a tanbou la
nou ka konté lé bèl zistwa
konnyé tanbou la ban mwen wayayay
zafè an mwen mélé
(réponn)
an té élé anmwé
an soné patrik é pyéro
an té élé anmwé
pyéro parik èvè fanswa
kriyé érik èvè jak an bwa la
zonbi la dèyè mwen
(réponn)
zonbi la baré mwen
zonbi la baré mwen
zonbi la baré mwen
zonbi la baré mwen....
Gouvelman la mwen pa kalé a sen lowen
An pa kalé a sen lowen pwasson lowen ké manjé mwen ayayay
Gouvelman la mwen pa kalé a sen lowen
pa lésé mwen monté lowen piranas la ké manjé mwen toubolman
Té lévé on bon maten
ka rouvè mè pot an mwen
missié factè vini rivé
i poté on papié ban mwen
lè-w vwè an li papié la
papié la mè ka fè di mwen
fo mwen alé a la kazèn
an pwen loto pou bémao
lè mwen rivé a digomié
Mwen rantré an kazèn la
yo ban mwen papié an mwen
yo menné mwen a la vizit
vizité gadé an mwen
yo di mwen an ka gadé bien
vizité tandé an mwen
yo di mwen an ka tandé bien
tout sa yo vizité si mwen
yo di mwen an ka fè déga
an routouné a ka manman
rakonté manman mwen sa
manman mwen mété-y ka hélé
yo ka-y pran pitit a li an didan lawmé
Gouvelman la mwen pa kalé a sen lowen
Mwen pa kalé a sen lowen
pwasson lowen ké manjé mwen ayayay
3 simèn poko passé
misié faktè vin routouné
poté on dézième papié ban mwen
kou la sa sé on télégram
télégram la ka di mwen
fo routouné de tout urgence
an pran loto pou bémao
an routouné a la kazèn
sé mésié la di mwen kon sa
an kalé pran lavion
méné mwen monté rézé
lè-w ou vwè mwen rivé rézé
baké mwen a bo danjé
pou voyé mwen a sen lowen
danjé vini dékolé atéri a rochambo
lè mwen rivé à rochanbo
yo méné monté an didan sen lowen
Gouvelman la mwen pa kalé a sen lowen
An pa kalé a sen lowen
pwasson lowen ké manjé mwen ayayay
An rivé a sen lowen
yo méné mwen a la kazèn
yo di mwen mi chamb an mwen
yo di mwen mi kouch an mwen
yo ban mwen packtaj an mwen
yo ban godio an mwen
messié an rété sizé
an mété mwen ka réfléchi
dè mwen ka réfléchi
sa mwen tan di dè sen lowen
an di mwen péké rété
mwen ay vwè mon kapiten
kapiten mè pa té la
mwen alé o kolonel
totototo bonjou kolonel bonjou
bonjou mon soldat bonjou
soldat que désirez-vous ?
An di kolonel ban mwen palé
é kouté sa mwen ka di
an sé sel gason a manman mwen
dènié pitit manman tini
zo voyé mwen monté lowen
mwen vlé pa rété lowen
si mwen alé an savann la
graj karo la ké piké mwen mwen ké mo
Gouvelman la mwen pa kalé a sen lowen
pa lésé mwen a sen lowen
piranas la ké manjé mwen ayayay
kolonel di mwen kon sa
mon soldat n'ayez pas peur
an di kolonel kouté mwen bien
an ja li liv a zot la
si demen malè rivé
an savé sa zot ké fè
zot ké téléfoné manman
pou rakonté titine bwa sek
zot ké voyé méday ba li
zot bé voyé dékorasyon
olié zot voyé méday pou li
olié zot voyé dékorasyon
baké mwen a bo danjé
voyé mwnen routouné pendan i bonnè
Gouvelman la mwen pa kalé a sen lowen
Manman mwen pa biswen méday, voyé mwen routouné a ka manman mwen
Gouvelman la mwen pa kalé a sen lowen
An di manman mwen vlé pa méday voyé mwen routouné a ka manman mwen
Gouvelman la mwen pa kalé a sen lowen
pa lé sé mwen monté lowen
graj karo la ké piké mwen an ké mo
Gouvelman la mwen pa kalé a sen lowen
si mwen alé an ba bwa la zendien lowen ké fléché mwen toubolman
Gouvelman la mwen pa kalé a sen lowen
si mwen alé an savann la graj karo la ké piké mwen ayayay
Gouvelman la mwen pa kalé a sen lowen
é si mwen plonjé an riviè la piranas la ké manjé mwen an ké mo
Gouvelman la mwen pa kalé a sen lowen
mwen vlé pa rété lowen pè koupon la devenn pa vinn rivé mwen
Gouvelman la mwen pa kalé a sen lowen
[ suite]
mwen fèt an gwoka
mwen ké mô an gwoka
mwen fèt an gwoka
mwen ké mô an gwoka
mwen enmé ritm la sa
mwen kontan gwoka la
mwen kontan mizik la
mwen jalou (.) stil la
mwen grandi an gwoka
fo man vyéyi an gwoka
mwen grandi an gwoka
fo man vyéyi an gwoka
Mwen enmé tanbou la
po a kabrit la
mwen-èsklav a gwoka la
é sé pou sa-an ka mô la
ban mwen tanbou la
sé tanbou la mwen enmé
lèw vwè-an ka dômi
sé tanboh la-an ka révé
séy mwen pran an pasyon
mwen pa ti ni pozisyon
on ritm owijinal
sa toutafè nowmal
a pa tou di
mésyé konnyé tanbou
a pa tou di
jouwé mizik a moun fou
tanbou la ni on langaj
langaj la sé-on mésaj
tanbou la ni la pawol
y fo pa nou touvé sa dwol
jou la-an ké mô la mwen vé pa
kôbiya la
jou la-an ké mô la mwen vé pa
kôbiya la
an vlé kat potè
pou menné mwen-an senmityè
an vlé kat potè
pou menné mwen-an senmityè
toni jimi widi
zo tandé sa mwen di (wi papa)
toni jimi widi
zo tandé sa mwen di
mwen pa vlé zô pléré
sé tanbou la pou palé
mwen pa vlé zô pléré (zanfan)
tanbou la pou palé
la zo ké rivé
adan senmityè la (zanfan)
la zo ké rivé
douvan tonm an mwen (gason)
avan zo fouté mwen anba tè la
zo ké dépozé sèwkèw la
konnyé tanbou la
é balansé gwoka la
la zo ké las konnyé ka
zo ké di (.) adieu papa
ou té on nonm rèd
ou té on nonm kowrias
ou té on nonm solid
ou té on nonm rapid
ou té on nonm brital
men-ou té santimantal
ou téééééé
on nonm a kè (papa)
kè nanm aw
ka rèpozé an pé
(siflèt)
jou la-an ké mô la mwen vé pa
kôbiya la
jou la-an ké mô la mwen vé pa
kôbiya la
mwen vlé kat potè
pou menné mwen-an senmityè
toni jimi widi
zo tandé san ka di (wi papa)
toni jimi widi
zo tandé san ka di
mwen pa vlé zô pléré
sé tanbou la pou palé
mwen pa vlé zô pléré
sé tanbou la pou palé
la zo ké rivé
adan senmityè la (zanfan)
la zo ké rivé
douvan tonm an mwen (gason)
zo fouté mwen anba tè la
zo ké dépozé sèwkèw la
konnyé tanbou la
é balansé gwoka la
la zo ké las konnyé ka
zo ké di (.) adyé papa
ou té on nonm solid
ou té on nonm rapid
ou té on nonm kowrias
men ou pa té timid
ou té on nonm brital
men-ou té santimantal
ou téééééé
on nonm a kè (papa)