Anmwé ô anmwé ô
Mwen égaré larout
vin poté mwen soukou
zonbi la baré mwen
an té élé anmwé
an di anmwé lé répondè
an di anmwé lé tanbouyé
sonné tanbou la ban mwen wayayay
(réponn)
manman toujou di mwen
ladyablès ka dansé léwoz
an poté kiwrozité
mwen alé mwen bravé danjé
dèviné kay pasé jou la sa
ladiablès baré mwen
an di anmwé wayayay
an di anmwé woyoyoy
zonbi la dèyè mwen
adan son a tanbou la
ni lèspwi a kabrit la
adan kadans a li
ou ka twouvé lèspwi dé zot
pou mwen vwè la limyè
on vandrèdi ô swa
mwen té alè adan-on léwoz
lé-an rivé an léwoz la
anbians la té a gou an mwen
an jwen é lé zanmi
nou anbiansé vayaman
dan lé dézè maten
mwen désidé dè pati
apré on kilomèt
mwen rankontré on dèmwazèl
mwen abowdé li
mwen adréséy la konvèwsasyon
tou sa mwen di li
y aksèpté dèmand an mwen
nou ka maché-an lari la
a bra dèsou bra dèsou
lè nou fè sensan mèt
an santi kô an mwen chanjé
an jété on kou dèy
mwen té gadé ka ka pasé
an ka gadé fi la
é fi la ka gadé mwen
chivé an mwen drésé
an santi tin on pwoblèm
an gadé pyé dwat a li
an ka vwè sé-on pat a boukèt
an gadé pyé goch a li
mwen ka vwè sé-on pat a chouval
dèviné kay té yé mé zanmi
sété on ladyablès
an ka poté mannèv
sé pou li pé débaré mwen
an tiré soulyé an mwen
an mété yo dwèt pou goch
an tiré chimiz an mwen
an mété li a lanvè
tann mannèv an poté jou la sa
asi kadans a tanbou la
nou ka chanté bèl mélodi
asi son a tanbou la
nou ka konté lé bèl zistwa
konnyé tanbou la ban mwen wayayay
zafè an mwen mélé
an soné patrik é pyéro
pyéro parik èvè fanswa
kriyé érik èvè jak an bwa la
zonbi la baré mwen....
Sé dé laklé la pa ka koresponn. Roukoumansé.